好多明星做了微調或整容就收得好密，有些變臉後更信誓旦旦自稱純天然無添加，相較圈中「馬騮精」陳浩民就顯然率直得多，竟然打住肉毒桿菌針影相。
49歲的陳浩民早前同33歲任服裝設計師太太蔣麗莎參加美容療程，浩民打肉毒桿菌豐額減紋，浩民說：「我想改善高低眉嘅問題，做artist除咗演得、唱得，仲要睇得，而家醫美咁流行，我唔做咪好蝕底，哈哈！」不介意打針影相？他說﹕「我覺得整個過程幾得意，就叫老婆幫我揸機影相，冇諗過大家咁大反應。」
坊間坦承做過微調整容的明星少之又少，為何敢認？陳浩民說﹕「時代唔同啦，而家醫學美容好普遍，呢啲療程好多人都做過啦！」對於曾有單打肉毒桿菌奪命報導，他表示不擔心﹕「所以要認真選擇有口碑、有信譽嘅公司囉！唔可以亂咁去試。」
蔣麗莎下嫁陳浩民後誕下一子三女，但外貌、身材從未走樣，是受老公貪靚所影響嗎？她說﹕「唔關我事，佢成日都會出鏡！點都要keep啦！所以經常都會去做facial，哈哈！」
原來兩公婆都駐顔有術，怪不得經常保留童顔氣質，真的令人羡慕啊!
(綜合報道)
