藝人呂慧儀（長腳蟹）自從宣布結束同黃文迪7年婚姻後，走出傷痛努力做好《愛．回家之開心速遞》「熊若水」角色，而休息時間就畀晒仔仔，做個堅強又忙碌嘅單親媽媽！
自從離婚後，呂慧儀對感情事及有關前夫的一切都採取封口態度，但今日佢罕有咁上載收花相，然後留言：「#簡單的幸福#滿足的幸福#隨心的幸福」，三個幸福咁多，睇嚟呂慧儀有人追喎！
望真啲花上有一張卡寫住呂慧儀英文名Konnie，好明顯就係送畀佢喇！
啲花真係好靚，可能追求者知道蟹蟹鍾意紫色。
花上面仲有張心意卡。
網民都留言問呂慧儀係咪有第二春，而照片中網友都留意到蟹蟹雙眼有少少紅，未知是否工作太攰又要照顧仔仔導致休息不足呢？
(on.cc)
