藝人陳法拉同外籍男友Emmanuel Straschnov感情穩定，去年8月佢哋結伴到法國旅行時，男友更親自操刀為法拉拍泳衣照，認真Sweet到爆！
不過日前法拉突然喺社交網貼出同另一位外籍男士嘅親密照，相中二人瞓喺床上頭貼頭，齊齊嘟嘴之餘仲着住情侶睡衣，法拉更喺留言貼上心心圖案，即引起網民哄動！
網民紛紛以為法拉另有新歡，更有人表示：「以為是你要結婚了！」
但其實嗰位男士只係法拉嘅同學，細心啲睇法拉仲有甫出多一張相，相中男同學同另一位女同學更「同床共枕」。
相信只係朋友間嘅玩笑，亦令粉絲放下「心頭大石」，笑指只係「虛驚一場」。
(on.cc)
