林芊妤（Coffee）和吳日言（Yan）分別於去年10月及11月誕下兒子及女兒。
兩位媽媽不時都會在社交網分享湊B生活；作為瑜伽導師，Coffee由生B到產後修身過程，更吸引不少阿媽兵團關注，而Yan和Coffee則不時會相約聚會，交流湊仔心得。
日前Yan在社交網上載了幾張相，原來Yan和老公約了Coffee兩公婆食飯，她更留言踢爆Coffee已有再生B念頭。
Yan說：「大家個寶寶都5、6個月了，時間真係過得好快，我們居然商量幾時生下一個，哈哈，我老了，老公也沒有給我私人時間，你同志榮努力！」
而Coffee的囝囝則相當活躍，見到Yan囡囡Beatrice更不懂憐香惜玉，出手掩着Beatrice嘴仔，結局整喊Beatrice要媽咪呵番。
另外，王祖藍日前在IG貼上戴口罩相，表示難得完成工作，卻因為病倒不能接近女兒。
佢呢日再於IG上載了囡囡坐在搖籃的短片，老婆李亞男拿着書本，聲演不同的動物聲，BB女開心「呀呀叫」講BB話，祖藍留言：「有冇人識翻譯？」
然後又hashtag寫「#我未病好 #可遠觀而不可褻玩焉 #今天天氣很好 #大家要好好享受連假最後一天 」原來祖藍仍未痊癒，只能遠距離望着女兒。有網民見到之後就大讚囡囡細細個已經有大長腿，睇嚟似足媽媽李亞男呀！
(apple daily)
