繼視帝陳展鵬和影帝郭富城先後公佈生女後，緊接這兩個月也有張嘉兒、張美妮和黃婉曼接棒生女。
首次陀B的張美妮去年開心宣佈有孕，轉眼距離6月的預產期還個多月，她日前趁着行動靈活，孖髮型屋老闆老公KK Wong一齊去影大肚寫真留念。
美妮今日貼相社交網開心share，她留言：「仲有個零月就到預產期啦！見住個肚一日比一日大，快要當媽媽的感覺更加強烈！而家每一日最享受嘅就係摸住個肚皮，溫柔地同BB傾偈！BB~爸爸媽媽會以最大的愛包圍着你！Love you！」
美妮的大肚寫真以美感為主，老公KK溫柔的從後抱實老婆，又輕輕摸着美妮巨肚，一家「三」口互動。
講到拍攝時趣事，美妮今日回覆傳媒時說：「嗰日影相，真係好開心嘅，畀我最大感覺係老公嘅反應，因為我平時陀住BB先feel到胎動，但嗰日要影相擺甫士，我老公全程摸住我個肚，佢都feel到阿B喺我肚裏邊全日郁嚟郁去，佢覺得好得意，佢覺得阿女有反應畀佢，老公開心到成個人唔同晒，自然會心微笑，好溫馨。同我哋平時影相好唔同，佢平時好cool，唧都唔笑，呢次感覺我哋影相好溫馨好sweet。」
之後再晒性感少少嘅！
超靚！
(IG/綜合報道/apple daily)
