電台節目主持人梁泰來請得李璨琛任嘉賓，節目中，他坦言聽到愛女Lucy的哭聲才覺得已成為父親!
「不論太太佗住囡囡，還是入產房嘅時候，我都有陪住佢。到我個女出世，我睇住她：『吓？我個女？』都仲未感受到自己係個爸爸，直至抱住佢嘅時候，睇到佢哇哇大喊，我就諗：『呢舊嘢原來係我個女！』嗰時就知道自己係位爸爸。」
李璨琛婚後成顧家男，但女兒出生前發生醉駕事件，他直認此事的改變更大！
「我覺得個女出世對我嘅改變更大，加上嗰時又發生咗醉駕事件，我都留喺屋企一段頗長嘅時間，都有反思作為一個爸爸應該要做咩，因為依家已經唔係只有我同太太兩個人喇！多咗一個小朋友，責任就大咗，唔希望他日個女問爸爸點解做咁嘅事，希望能做個好榜樣。」
「但既然都發生咗，我覺得上天都畀咗我一個Signal，『好喇！你係時候要轉變一下！你唔能夠再好似以前想點就點，你依家做任何事都唔係你自己一個人嘅事。』」
（綜合報道 / on.cc）
