藝人蔡卓妍（阿Sa）現身金像獎慶功派對，對於失落影后寶座未有失望，反指整晚頒獎禮氣氛很好，覺得一班新電影人很努力：「聽佢哋講用咗一個月時間綵排，中間係冇人缺席。（因為主席爾冬陞話缺席者會列入黑名單！）哈哈……好似主席嘅作風。」
阿Sa表示賽前已經看完影后的入圍作品，直言出爐影后曾美慧孜獲獎電影的角色非常難掌握，另方面亦很喜歡張靜初在電影《無雙》中的演出，所以一早認為自己勝算不大：「我覺得《三夫》套戲唔止係睇嘅程度，佢真係演得好好，靜初都演得好好，就算對手係周潤發同郭富城，佢都可以喺裏面突圍而出，真係非常困難，仲要佢角色出場唔多，但已經令人難忘。」更指對完成頒獎禮鬆一口氣。
問男朋友石恆聰可有安慰？她說：「唔需要，因為場內收唔到電話，都完咗場之後收到幾百個message，大多數都係容祖兒、關智斌同阿嬌（鍾欣潼），佢哋一路睇住電視一路同我打氣，一個食住蕉、一個食住橙好搞笑，好感恩一路以來都有好多好錫我嘅朋友，有好嘅際遇，相信之後上天一路會畀好多機會我。」
(on.cc)
