藝人朱晨麗（Rebecca）出席商場活動，為小朋友Catwalk表演任評判，她表示好耐沒有同小朋友互動，見到小朋友表演令她有很多回憶，因小時已學跳芭蕾舞，亦有參加比賽，不過就沒有贏獎，她都是為興趣而跳。問到現還有沒有練芭蕾舞？Rebecca坦言正在趕拍新劇，剛一晚拍通宵早上才收工，所以都很少再練舞：「咁當然冇小朋友跳得咁靈活，但始終由細學到大，要跳番都冇問題，仲可以一字馬嘅。」她覺得最緊要小朋友選擇自己有興趣去學，若果要將興趣變成專業，就要下不少苦功。
Rebecca稱自己很喜歡小朋友，記者叫她盡快生，她笑言：「好，盡快。（咁就要盡快有對手喎！）都係，對手唔快，自己快都冇用，就好似買樓咁愈快愈好。」
講到新劇與緋聞男友何廣沛不少對手戲，她投訴他不懂憐香惜玉：「佢當我男人咁，戲入面要推我、拍我，佢真係唔留力！打到我背脊有掌印，阿媽見到以為我發生咩事受傷。」
(on.cc)
