藝人余德丞去年突然昏迷入院，他謂自此家人都有一直提點他要小心身體，問到緋聞女友蔡思貝都可有提點？他表示：「有，譬如呢個禮拜拍三、四日外景，再做個job，佢都會叫我小心啲。（佢好了解你行蹤？）我哋會講吓呢個禮拜有咩做咁嘅。」
余德丞與蔡思貝因合作拍攝旅遊節目而認識，之後惹上緋聞，關係撲朔迷離。
講到之前他入院，思貝是唯一一個緋聞女友到醫院探他，他大讚對方有情有義：「但唔關有冇嚟探我，只要有問候都係有心意。」
問到媽咪可有讚思貝是好女仔？
他表示：「媽咪冇乜講，冇乜特別講邊個好唔好。（對你之前啲女朋友冇評語？）佢冇乜嘢，佢覺得我係認真嘅就去拍拖，佢唔想講完之後影響咗我，佢不嬲唔係呢個style嘅人。」
(綜合報道)
