藝人陳敏之抱恙出席仁濟醫院青少年及幼兒服務舉辦的「凝心聚力·守護幼兒」宣誓禮暨「家庭義工推廣計劃分享日」。
近年甚少拍劇的她坦言自從有了小朋友後要減產，每年只能拍一至兩部劇，因為要分配時間給家庭及曲奇餅生意…
「最近曲奇餅生意幾好，啱啱研發另一隻餅，忙緊試食。囝囝依家兩歲，好好玩，我唔想錯過咗佢嘅童年，劇就幾時都可以拍，如果我有經濟問題，就話要拋個身出嚟啫，但依家各方面都好穩定。啱啱幫囝囝報咗學前班，8月開學。依家小朋友學嘅嘢好深，我唔係怪獸家長，但如果將來我將來教唔到，我會搵專業人士去教，但我會陪喺佢身邊。」
身穿羽絨外套的敏之透露因近日天氣忽冷忽熱而氣管不適，更要與心愛的囝囝保持距離：「唔可以錫佢，我喺屋企都戴口罩。」
敏之稱下星期便飛往加拿大登台及宣傳無綫節目，她笑言：「我都想快啲離開香港，唔想傳染到個仔。（去登台使唔使練定歌？）我主持《流行經典50年》都會經常唱歌，係個好訓練，都儲埋幾多歌。」
(on.cc)
