《愛．回家之開心速遞》「熊若水」呂慧儀上月9日宣布與黃文迪離婚，經歷情傷後已經重新投入工作，仲擔起照顧仔仔黃柏翹（Anton）嘅工作，當正阿仔係老闆咁，佢就做秘書隨傳隨到，不過就似乎相當Enjoy，行程排足全日都唔嫌攰！
佢喺Instagram公開一日行程，湊完Anton返學，佢仲有時間去行山、扮靚、搵朋友唱K娛樂，又tag住「做自己想做的事 做自己應該做的事 休息日不休息」，單親靚媽真係唔易做呀！
佢留言：「雖然在我live裡（裏）留言問我要不要陪老闆的蟹粉皮們，一個全能嘅秘書就係，可以早上招呼老闆返學，然後做點運動例如行山，跟手找找老朋友洗洗身上中了的奬金，見見牙醫做做例行檢查，再去扮吓靚攪（搞）攪（搞）指甲，接著（着）找些舊朋友傾傾工作，跟住去練吓歌順便做live，回家正好老闆又得閒了就做書本閱讀專員，然後老闆聊著聊著（着）睡了再跟好朋友吃宵夜，再收拾好老闆明天要用的東西，最後自己睡前上網看看。所以告訴你們，老闆號召，秘書隨傳即到。」
而黃文迪自從發出離婚聲明後，Instagram已經變咗私人！
(IG/on.cc)
