藝人陳凱琳出席眼鏡活動，現場所見，生完不久的她已火速收身，但上圍依然豐滿。
她透露現在餵人奶，但不想大家太專注這方面：「第日冇餵，身材有變，大家又再講，最重要BB食得好，佢每次都好滿足。（升咗幾個cup？）真係冇度過。」
問會否追多個？她坦言有此打算：「我有同老公傾過，大家都想，等BB一歲後先。小朋友有好多嘢學，學唔完，有時錯手咗，先知原來係咁，好似BB有胎毒，係好常見，但都係陪月話我先知可以用金銀花或芫茜幫BB沖涼。」
掛住照顧BB，老公可有詐型？她說：「老公都好錫BB。（照顧BB有冇趣事？）佢有斟茶，但當時我企前面幫佢換尿片，老公企旁邊，點知射歪咗射中咗佢。」
她又透露已逐漸復工，但以綜藝節目為主，暫不接拍劇：「拍劇遲啲先，想多啲時間照顧BB，佢日日長大都唔同，唔想錯過任何一個改變，所以做啲輕鬆嘅嘢先。」
(on.cc)
