藝員袁偉豪與蔡思貝在葵芳為無綫劇集《鐵探》宣傳，劇集首集錄得7天跨平台總收視29.5點，更是2018年以來黃金時段劇集首集收視冠軍。袁偉豪講到首集收視報捷，他說：「好開心，第一集已經咁好，劇集比《BB來了》高少少，係好嘅開始。」
蔡思貝指劇集出街後，無論香港與內地觀眾也有正面反應：「有好多Feedback都好感動，有網民私訊我話為以前鬧過我講聲對唔住，自己努力有人睇到，好感動。」
而袁偉豪近日被網民指合照後極速「變臉」，被網民批評扮大牌，他解釋說：「唔係工作情況，自己都想低調，唔記得係咩事，可能嗰日太攰、影完相個表情有少少變，加上環境有啲混亂，想影完就即刻離開。好多唔認識嘅人去斷定我人格，其實唔係咩大不了嘅事。今日收到嗰個網民嘅私訊，話明白我嘅出發點，唔好將負能量放大就好。」(相關新聞：https://bit.ly/2I5zZxL)
他自言EQ也有高低，心情不好的時候看見負評也感到不舒服：「有人唔鍾意自己，都冇辦法，話袁偉豪唔識演戲，又話唔鍾意袁偉豪喺《鐵探》入面，拍嗰陣自己都咬實牙關，老竇都死埋，第三日已經開工，有一少撮人唔鍾意咪唔好睇囉，我係以我嘅工作支持屋企人，支持喜歡我嘅觀眾，你有你嘅睇法，我亦都繼續自己嘅生活。」
對於惠英紅提議劇集33點男演員行「股惑」，袁偉豪笑說：「依家昇華到咁，睇情況啦，我選香港香港先生嗰陣條泳褲邊都好幼㗎。」
(on.cc)
