藝人黃翠如與歌手趙慧珊（Aka）出席手袋活動，兩人更有份設計手袋圖案，盡顯藝術天分。
翠如稱兩人是有線的舊同事，但未有合作過，Aka大讚對方：「以前已經好鍾意翠如，覺得佢好靚，當年佢仲同我哋一班新主播上過一堂，教我哋做主播應該要點。」翠如反問她自己教的東西有沒有一樣是有用，Aka尷尬表示忘記了翠如說過甚麼。
講到設計手袋，翠如坦言是第一次，覺得很好玩，前一天通宵完成：「我以前好鍾意通宵畫畫，因為冇人騷擾，尋日唐詩詠上嚟我屋企，幫我畫咗蕉同葉。」
翠如指有興趣到英國短期遊學進修藝術：「我上年已經話去，但都係冇去到。（係咪要問過老公蕭正楠？）要問佢。不過佢對畫畫係冇概念，連畫條直線都唔得，寫字好似小朋友咁，同佢講藝術係對牛彈琴，如果同佢一齊去英國，佢會對shopping嘅興趣大過畫畫。」
另外，今個月是翠如與蕭正楠的結婚一周年，翠如笑言日前才提醒對方：「我諗佢真係唔記得。結婚周年嗰日佢會同阿廉（曹永廉）喺美國，我話咁你同佢過囉，原本我都想跟埋過去，但撞正當地有個好勁嘅音樂節，好難買機票，所以就冇去，可能延遲慶祝。」
（on.cc）
