藝人陳琪與胡諾言（胡仔）早前撇低三個仔女，出發台灣二人世界！
雖然短短三日兩夜，但已相當盡與，期間胡仔「龍友」上身，去到邊影到邊，還逼老婆做御用模特兒，陳琪笑說：「今次唔使帶細路，所以咪孭咗部相機去，成日要我做model，影到我都覺得悶，後來佢咪自己影啲花花草草過手癮。」
沒有仔女在旁，他們無需再到遊樂場，反而休閒地四圍逛浸溫泉，更影下「浴照」：「近年都開始唔記得咗原來去旅行應該係咁樣，今次主要浸溫泉同食嘢，睇風景都係其次，因為我哋已經錯過咗櫻花嘅季節，冇計，始終都要就小朋友返學嘅時間，只能夠揀一個星期六、日，原來兩個人去真係好舒服，以後真係要多啲撇低啲細路出去先。」
而二人於田園取景拍照時搞笑被田園主人玩謝，陳琪說：「佢（胡仔）畀阿婆逼買花嚟送畀我，否則唔畀佢入去影相，變相我有花收。」
(on.cc)
