藝人區永權為美莊園尖沙嘴總店開幕任司儀，育有兩子分別8歲和7歲的他，直言補習學費都貴，要忙於跑數。
問會否送兩子外國讀書，他說：「其實太太喺新西蘭讀書，當地好Free係唔使讀，都希望小朋友第日都係咁，如果要去，爸爸就要努力啲。」
他說與太太結婚快十年，原本計劃十周年與太太去旅行，但兩子立即耍手、崩潰，他自爆原來一家四口至今也同床。
「係幾Sweet，但我哋兩個唔喺度瞓就大件事，佢兩個瞓唔到，搣甩好大件事，佢兩個示威，奪命追魂Call。（依家開始訓練佢哋獨立？）佢哋唔捨得，我都唔捨得，唔想佢哋太快大，我都要訓練自己獨立，原來問題喺我度。」
他又講笑謂四人同床，故冇可能有第三個小朋友。
(on.cc)
