台灣型男吳尊成家都得天獨厚，個個樣靚身材正，而佢囝囝Max亦遺傳到爸爸嘅強勁基因，當初上內地親子真人騷時憑大眼萌Look成功俘虜一班觀眾。
近日吳尊喺微博晒出多張Max剪頭髮嘅相。
更自爆囝囝5年來嘅髮型都係由佢親自操刀，直到最近先首次帶個仔去Salon，呢位型爸認真多才多藝！
吳尊感慨留言：「我已經跟（給）MAX剪了五年的頭髮…今天第一次帶他去髮廊…嗨，為了他以後的顔值…我倆還是要學會放手😂😂😂 」
網民都大讚吳尊係萬能爸爸，最搞笑係有位網民留言指自己要求唔高，只要搵到個好似吳尊咁嘅老公就心滿意足，點知吳尊竟然親自回覆網民話：「這要求還是太高了。」真係估唔到佢咁盞鬼！
(on.cc)
