森美今日以有機大使身份出席活動，第5年成為大使的森美指今年的主題是農夫以新方法種植有機食品，令有機食物大眾化，減低成本。
森美奉行有機飲食多年，但多由太太負責烹調，他更大讚太太烹調滿分，他說:「通常老婆煮一次，教識helper，不過永遠唔會青出於藍，太太煮嘅最好味。」為保持健康身體，森美一家的飲食少鹽少糖，而無鹽無糖更是他的目標。
森美的16歲兒子剛從英國放假回港3星期，森美十分不捨，他說：「係好唔捨得，佢返嚟3星期，晚晚喺我哋房瞓地，親密啲，傾偈傾到瞓着，佢成個人長大咗，佢話讀書用功咗，所以我覺得各方面嘅決定係冇錯。」
森美更指現時一家人討論的話題離不開時事國情，會談到脫歐與文翠珊下台風波，森美深覺兒子到英國讀書後確實眼界大開。
問到脫歐的話會否令他慳不少學費？森美說：「跌多啲先慳到，都係慳匯水，都要捱。」森美又爆兒子未拍拖，他笑指希望兒子快點初戀：「想佢識吓女仔。（想佢為港『爭光』？）我做唔到都想佢做到，了解唔同文化嘛。」
(綜合報道)
