藝人張名雅先後為老公誕下兩個囝囝Mario同Milo，轉眼細仔Milo已經出世100日，兩公婆齊齊為Milo搞咗個百日宴派對，邀請親朋好友出席。
張名雅喺網上分享多張相片，除咗見到有氣球布置外，仲有一個猴子造型公仔嘅蛋糕，一家四口合照勁溫馨！
Milo對身邊嘅事物都好好奇，眼仔睩睩周圍望，相當可愛！
名雅仲留言大爆囝囝搞笑事…
「Baby Milo喺百日宴裏好乖好合作眼仔睩睩，最鍾意就係笑同瞓，邊個抱都唔哭。唯一係無端端噴奶，噴到一地都係奶，好彩無噴到坐隔離嘅叔叔伯伯哈哈哈！仲換左兩套衫添！Baby Milo, 媽咪祝你快高長大，身體健康，每日都笑咪咪開開心心，同Mario哥哥相親相愛。」
(ig / 綜合報道)
