【點解黑面?】陳奕迅親身解畫

    歌手陳奕迅(Eason)公開大學爆seed黑面請學生離場事件(相關新聞:https://goo.gl/xy7qym)後,他繼續到另一間城市大學做分享會,Eason主動重提當日為何爆seed。

    開場時,恭碩良扮學生,坐在台下第一個舉手發問,向學生開玩笑說:「小心電話,仲咁撳?放低電話呀!」惹來全場大笑,然後返回台上。而Eason亦大方重提之前黑面一事,他直言:「你哋投入成件事就得,你唔鍾意係可以唔喺度,無所謂。如果無端端自己嚟聽歌睇戲,有乜用?點解要喺度?我好『銀』眼。」他說可以當見不到,還做出死魚眼來,惹來學生大笑。

    相關新聞:【自稱係內地OU碩士生 大數陳奕迅幾項「罪狀」】https://goo.gl/Hsyf9e


    他說當時在台上想過好幾種方法,應該點做:「我諗過不如我都攞部手機出嚟,但我如果做呢樣嘢,焦點就喺我度,會影響台上其他人;我又諗過落台,然後問佢玩緊乜?又或者同佢講個綠色exit好得意,不如你出去。以前我會咁做,我唔想make a scene,但結果都make a scene,人就係咁。」

    他續說發脾氣其實自己也不好受,也不開心,令事情變得尷尬:「我都唔開心,影響埋其他人,我唔係想教育任何人,只想畀反應,我好少咁,唔知點解咁。」此時恭碩良說:「你係戥啲想聽啲人唔抵啫!」Eason則說:「你可以咁講嘅。」恭碩良即幽了Eason一默說:「呢鋪佢嬲緊,唔領我嘅情,攞手機嚟,全部同我攞晒出嚟。」惹來全場大笑,氣氛甚好。

     

    (on.cc)

    SHARE