【點知仔仔⋯】張頴康麥雅緻：初初都有啲擔心

藝人張頴康同老婆麥雅緻（Angie）不時帶一對仔女「小豆」同「小花生」去旅行。

近日一家四口去美國玩。

但始終飛行時間都長，兩公婆最初都驚一歲嘅小花生，搭長途飛機會哭鬧，但點知囝囝一上到機就倒頭大睡。

而大女小豆一向都好乖，搭飛機亦唔例外，完全唔需要爹哋媽咪擔心！

Angie留言：「小花生第一次長途飛行，初初我同爸爸都有啲擔心，但係佢嘅表現唔錯呀⋯ 而小豆家姐當然發揮佢飛行常客嘅本色，自己照顧好自己！」

佢哋一家到埗就見到藍天白雲，疲倦即時一掃而空。