甄子丹以聯合主席的身份與太太汪詩詩及女兒出席大型慈善晚宴，不過卻發生不愉快事件，事後詩詩在社交網站IG發文表示竟然在港經歷電影《綠簿旅友》中的不公平對待，並以hashtag「#中國人不是東亞病夫」作文章總結。
詩詩接受電話訪問時仍然氣憤難平，她直言在晚宴上被外國主辦單位的團隊歧視：「其實之前溝通已經有好多問題，我覺得如果我係外國人，佢哋唔會咁對我。跟住到琴晚我哋入去ballroom已經被質問：『果晚宴會未開始，點解你哋會入咗嚟？』」
「但現場好混亂，佢哋又冇人安排同指引我哋。之後有人向我介紹主辦單位嘅大老闆，佢個眼神同態度好差，令我感覺侮辱同不被尊重，佢哋對外國人同韓星完全唔同，態度好好…」
「我覺得根本係歧視中國人，我唔可以接受，所以個晚宴未開始，我哋全家就走咗。咁耐以嚟，我哋從來唔會咁做，但我覺得我係中國人就唔應該坐低，而且我要面對仔女，唔想畀佢哋覺得我哋要接受呢種不公平對待，我坐低就對唔住我嘅仔女。」
(ig / 綜合報道 / on.cc)
