細細個就做童星，22年前同郭晉安拍過大台劇，當時仲有影相！呢日佢更喺IG上載兩張同安仔嘅合照，分別係22年前拍大台劇《天降財神》時同安仔嘅合照，以及二人最近嘅合影。
相隔多年，何弘軒已經由以前的「四眼仔」變成熟男，而已經5字頭的安仔，除了髮型改變，臉上多了一份男人味，幾乎沒有走樣！好似食咗防腐劑咁。佢留言話：「這是我們共同的童年回憶，咁就22年了！Thanks 安仔哥哥！」
何弘軒接受《蘋果》訪問時表示：「拍完劇之後咁多年都冇見過面，郭晉安真係冇乜變過，初初佢都唔認得我，講套劇佢先記得，佢都話係童年回憶，記得嗰時我讀五年班，成日要帶功課返廠做，郭晉安會教我功課，好照顧小朋友。」
何弘軒於2009年返港發展，喺YouTube發布由自己創作嘅歌《後備情人》大受網民好評，當時更獲陳慧琳讚許！
離開唱片公司星娛樂後，去年回復自由身發展在樂壇發展。
何弘軒與李亞男、王祖藍都係教友。
(綜合報道/apple daily)
