【引網民洗版式留言】仙氣沈月突然曬相

    有「最索星二代」之稱嘅邱淑貞大女沈月,盡得媽媽真傳,生得亭亭玉立極靚女!

    早前更踩入模界,亮相倫敦時裝周,為爸爸沈嘉偉公司旗下時裝品牌行騷,仲打頭陣出場,處女行騷表現淡定,成為台上焦點,贏盡掌聲!

    妹妹沈日之後亦有留言:「I’m so proud of you gorgeous」。

    除咗行騷,佢仲有好好把握機會出席大大小小嘅時裝活動,並順道喺當地旅行,實行寓工作於娛樂。

    沈月自上次行騷之後,已經一個月未有更新IG,佢呢日突然喺社交網晒出一系列喺當地嘅靚相。

    一口氣連post多張舊照洗版,簡單留言:「Missing this.」

    見佢以多個造型上陣,不論係超sharp嘅鮮紅色大褸、白色薄紗裙女神Look抑或牛仔短褲騷長腿,全部都carry到,果然有做model嘅潛質。

    而沈月私底下嘅打扮同樣煞食,其中一張遊覽名勝嘅街拍照,佢以長靴配短裙大玩「絕對領域」,認真索到爆!

    沈日依舊讚:「You’re so gorgeous,I love you!」

    網民對沈月一連串照片都有讚冇彈,「超靚」、「勁有氣質」、「女神」等字眼瘋狂洗版,未知沈月是否為出道做定準備呢?

    (綜合報道)
    SHARE