身為姊妹團之一嘅蔚雨芯喺社交網透露陪住好姊妹出嫁情景，見身穿裙褂嘅新娘子明艷照人，之後Mandy換上婚紗，同一班兄弟姊妹外拍！
而另一位姊妹林秀怡亦喺社交網上載Mandy嘅靚靚外拍照，雖然Mandy被頭紗遮住個樣，但見佢着住背心低胸婚紗，相當唯美！ 
藝人楊盼盼徒弟、曾參加《功夫新星》入行嘅無綫藝員何佩珉（Mandy），昨日下嫁工程師男朋友曾逸之！
之前Mandy講過會有醒獅陪住出嫁，新郎哥曾逸之亦喺社交網上載Mandy翹住佢喺街上行嘅相。
兩隻紅噹噹嘅醒獅吸引唔少途人目光，Mandy戴咗唔少金器，睇嚟今次真係霸氣出嫁！
(on.cc)
