三個囡囡聽完之後開心到飛起兼尖叫，其中大女林霏兒聽完仲喜極而泣！
佢真係唔係扮，連Bob嫂都忍唔住話使唔使咁誇張時，霏兒堅係喊，仲話：「我唔知自己點解會咁。」
最後霏兒仲好似未能平復心情，成個人呆咗咁！
當紅男團防彈少年團（BTS）前晚（20號）揭開香港站一連四場騷，佢哋真係迷到唔少年齡層嘅歌迷，就好似陸永大女Hannah同埋鄭裕玲（嘟姐）都係粉絲！
呢日藝人林盛斌（Bob）同三位囡囡Facetime講，話佢哋可以去亞博睇BTS演唱會，呢個驚喜真係相當成功，仲不忘多謝老婆！
因為對BTS零認識嘅佢，今次要去陪坐：「我記得嗰陣阿媽畀我去睇王馨平演唱會，我都係咁上下反應！啱啱傾嗰陣我自己都眼濕濕，唔知做乜，癡鬼線！辛苦等陣媽咪陪佢哋喇，因為佢係完全唔識 BTS 啲歌嘅！亦感謝小霖叔叔同Sam哥幫忙，咁遲搵你哋都幫我搞到，代班小朋友多謝你哋！」
(on.cc)
