藝人袁偉豪主演的無綫劇集《鐵探》即將於四月一日於翡翠台晚上九時三十分首播，劇中袁偉豪飾演重案組督察尚垶，原本是警隊明日之星，但因為一次為救同袍，被悍匪於頭部轟了一槍，雖然傷後奇迹生還，但就受盡創傷後遺症的折磨。
為了演活這個角色，袁偉豪拍此劇時，要於三個月內激減20磅，即由160磅速減至140磅，更要在十日內脫水達到極瘦的狀態，當時不少人見到他，都以為他有病！
原本已經超Fit~
上年先出寫真集，大show美好身材~
其實袁偉豪的情況好癲，見他逐漸瘦到排骨盡現的相，真係好陰功！袁偉豪接受傳媒訪問時說：「因為我平時有做運動，都有啲肌肉，雖然本身係瘦底，但要瘦到嗰種狀態，惟有做最唔健康嘅方法減磅，就係節食，當時我只可以食啲冇味同極小量嘅食物，好似烚蛋，煎一個番茄當晚餐咁！」
過程真的相當艱辛，因為袁偉豪本身都喜歡食嘢，更是愛跑一族，不過當時不能吃之餘，更不能做運動，因為試過拍攝期間有一日去跑步，跑跑吓他突然頭暈及睇嘢有白影，原來是血糖低呢！
(on.cc)
