台灣天王周杰倫（Jay）與老婆昆凌最近去咗德國科隆，連月來昆凌都做跟得夫人陪老公周圍飛，不過佢哋唔係剩係掛住自己玩，隨行都有帶同一對仔女，真係廿四孝爸媽。
今日昆凌先喺社交網打卡，上載一張德國街拍照，因為昆凌都成日着靚衫自拍，就咁睇其實好普通，不過冇耐就到Jay上載同一地點街拍喇，有眼利網民發現佢哋仲要穿上同一件外套，實行一件衫兩份着！
睇到呢度網民已經覺得好sweet，簡直鷄皮都起曬！但周氏伉儷覺得仲未夠，實行要閃盲網民！
Jay仲留言話：「學你打卡。」兼tag埋老婆昆凌，隔空放閃，難怪網民都話畀佢哋兩公婆閃到眼盲啦！
(綜合報道 / ig)
