藝人陳琪與胡諾言（胡仔）早前帶同兩個女兒到日本旅行，期間還安排她們一連幾天上滑雪堂。
她謂：「想帶小朋友學唔同嘢，香港比較熱，所以我哋向北走，去凍啲地方玩雪，就揀咗日本，兩姊妹玩得幾好。」
人細鬼大的細妹，竟一開口表示要挑戰玩Snowboard，令陳琪百思不得其解：「估唔到佢又滑得幾好，家姐本身有學開Ski，今次可以自己坐吊車上雪頂滑落嚟。」
而此行亦發生小插曲，陳琪透露老公因返港後便要參加一年一度的馬拉松比賽，故全程就住玩，不敢盡興，沒料最終老貓燒鬚，於滑雪場上跌倒令膊頭受傷。
她謂：「都返咗嚟成個月，但佢仲要做物理治療，可能男人自尊心強扮冇嘢，成日靜靜哋話去街，其實知佢睇物理治療囉！」
「不過有嘢要讚佢，就係佢平時去世界各地都喜歡跑步，今次酒店住20樓，有日望落街有個男人跑步，睇睇吓係我老公，咪即刻影佢張相傳畀佢睇，佢見我偷影佢都覺得好甜，其實隔咁遠都畀我搵到佢，所以佢呢世都走唔甩！」
胡諾言無論走到哪裏都喜歡跑步。
(facebook / 綜合報道)
