「無綫咪神」張秀文最近被拍到跟男星尹子維約會，再爆出她與前經理人仇耀斌（Victor）已分手，今晚秀文為籌款節目《博愛歡樂傳萬家》擔任司儀，問到應該安慰她分手還是恭喜她有新歡？
她想了一會說：「應該恭喜我今日做司儀，想做咗好多年，多謝監製同埋一班是非精。（私事會唔會影響心情？）本身冇乜嘢，係見到大家之後有少少複雜。」
問到其現時感情狀況，她表示單身，問到是否跟Victor曾拍過拖？她只說：「依家係朋友。（但大家都當你哋係情侶！）依家已經冇乜聯絡。（曾經有嗌交令關係有變？）的確係有意見分歧過，但佢係我之前工作上嘅好拍檔，幫過我好多，祝福佢有更好嘅將來。」
問會否叫Victor不要再在網上訴苦？秀文說：「我本身好低調，但唔會阻止人哋言論，佢有佢抒發嘅自由。」
講到最近尹子維跟內地咪神徐冬冬陷冷戰，這個時候兩人約會，難免有小三之疑，秀文表示兩人只是傾合作：「我年紀都唔細，希望事業上有代表作。（佢同佢女友冷戰！）冇問佢感情事，純粹傾工作。（有冇發展空間？）答唔到你，因為從來冇諗呢樣嘢。」
（on.cc）
