藝人張智霖（Chilam）出席「洪聖爺傳統文化節」活動，他參與放水燈儀式及扒龍舟，他稱之前一日有專登來練習。活動後他便要到長沙繼續拍攝內地真人騷《妻子浪漫旅行》。
太太袁詠儀（靚靚）喺節目中講到一個人去旅行，更想起老公而落淚，Chilam謂：「佢一時感觸啫，我哋去旅行都好唔同，我係好悠閒嗰種，係佛系旅行，佢就好充實型，不過一家人去旅行都開心嘅。（囝囝咪夾喺中間？跟邊個？）睇佢自己想點，我哋好民主。」
節目中他可需要分享一些感人事？他謂：「都未拍完，我開頭以為好簡單，我要睇晒佢去旅行嘅片段，並唔係想像中咁輕鬆，要坐好多個鐘睇片，其實都好辛苦。」
他抵死說：「我係義工咁做，啲錢佢袋晒咁滯。（夠食兩餐飯盒？）總之一殼眼淚！」
(on.cc)
