陳凱琳（Grace）喺情人節誕下「小嘉穎」鄭承悅（Rafael），同鄭嘉穎兩公婆好享受湊仔時光。
向來Cool爆的嘉穎亦直認被囝囝融化，曾說﹕「個個父母都話自己個BB係最得意⋯我終於明啦！」
雖然嘉穎和Grace都好保護Rafael，但都忍唔住post囝囝側面和手仔、腳仔相。
Grace post完一家三口全家福(相關新聞：https://goo.gl/VutP9J)，見嘉穎抱住囝囝，同Grace一齊好肉緊咁啜爆囝囝的面珠，真係幸福滿瀉！冇幾耐就到嘉穎啦！
佢喺IG post咗兩張相，一張係佢抱住囝囝嘅合照，見到嘉穎一臉冧樣就知佢幾咁開心！而囝囝眼仔睩睩望實爸爸，畫面超有愛！似爸爸定媽媽多啲？
唔少網民見到張相之後都大讚Rafael眼仔大大，夠晒靚仔！唔知幾時先有正面相睇呢？
而另一張相就係滿月蛋糕！以網球為主題，看來嘉穎很想Rafael長大後，跟爸爸一樣喜歡打網球，父子還可以在球場上較量。
(IG)
