兩子一母的鄺文珣，每天都花大量時間照顧家庭，當兩名兒子上午返學後，鄺文珣會帶着1歲多的細女Chesney去公園走走，呼吸新鮮空氣，母女享受親子樂。
鄺文珣今早又如常母女出動，她更把照片貼Instagram，並留言：「雖然你還是BB，但已經從只有眼睩睩望住媽媽，去到要跑來跑去，甚至坐單車，接觸其他小人國的人仔。媽媽感謝你的出現，可以經歷和你一起成長的每一天。」
很多女藝人抗拒晨早起床和素顏出鏡，但鄺文珣偏偏做齊，她素顏湊女，更自拍溫馨母女咀嘴短片，囡囡Chesney配合錫錫媽咪。
Chesney甫到公園即顯得非常生猛，周圍走動，走累了便坐回BB車，由媽咪推着回家。
鄺文珣今日接受《蘋果》電話訪問時說：「囡囡好得意，佢頭髮又長，望落去畀人覺得佢好似好大個咁，佢其實得18個月，佢細個時好怕醜，但可能多咗同哥哥相處，佢而家變咗友誼小姐，完全唔怕人。以前哥哥去到好大個時都唔識同人玩，但妹妹學嘢學得好快，佢識畀好多唔同反應，雖然好多嘢唔識表達，但好多嘢佢會明你講，妹妹好鍾意出街，一話去『街街』就好開心。」
(apple daily)
