藝人張頴康有一對可愛仔女，大女小豆現年4歲，而細仔小花生今年已經1歲幾啦！佢經常將家庭照放上社交網大晒幸福，睇見都溫馨滿瀉！
不過一向有愛妻號之稱的張頴康今次罕有地「投訴」老婆！
阿康昨晚上載一張相，見小花生好開心咁笑晒口，但老婆麥雅緻（Angie）就一雙卡通淚眼，原來係Angie幫仔仔剪咗個新髮型。
幫小朋友剪頭髮係一件高難度嘅事，因為佢哋係坐唔定，可能就因為咁，小花生個髮型變得岩岩巉巉，左右唔對稱，非常搞笑！
難怪阿康留言話：「今晚收工返到屋企，一見到小花生個新髮型就即刻笑到收唔到聲！老婆，下次你幫小花生剪頭髮，可唔可以等埋我先呢？」
(on.cc)
