現年38歲嘅名模樂基兒（Gaile）依家懷孕8個月，日前佢喺社交網話自己有孕婦皮膚發癢嘅問題，為咗防止肚皮出現妊娠紋，佢亦努力搽潤膚油，做媽咪果然唔簡單！
不時都會透過社交網同大家分享自己嘅近況。
呢日Gaile再上載大肚孕照，照片中嘅佢肚大如籮，但依然做出瑜伽動作。
佢以英文發長文講番嚟到孕期32週嘅感受，大致內容如下：「32週要逐漸放慢腳步，我可以睇到我腹部增長，仲大過3週前一倍。除咗一啲溫和嘅產前瑜伽課程，我減少所有鍛煉。我可以感覺到我嘅緊張情緒，開始變得激動，亦充滿興奮，好難用言語去形容我依家感受。」
佢又話自己當然會擔心，因為懷孕期間可能會發生任何事情，特別自己係高齡產婦：「但我相信每一件事都係有原因，而我所能做嘅只係加倍注意，採取預防措施。如果孕婦對未發生嘅事承受壓力，咁係唔健康嘅。我選擇接受母性旅程嘅每一刻，無論係一日定一世。」加油呀Gaile！
之前Coffee(林芊妤)佗B時亦有做運動同玩瑜珈（相關新聞：https://goo.gl/3rT9yY）。
(綜合報道/IG/on.cc)
