定居加拿大的前港姐袁彩雲為無綫節目《流行經典50年》擔任嘉賓獻唱，以一襲低胸晚裝上陣的她大騷Fit爆身形，她透露之前胖了不少，最近經理人為她接了一個美容廣告，故刻意減肥，希望給人健康形象：「我請咗個俄羅斯女教練教我修靚個線條，練咗一個月，但仲未有馬甲線，因為我唔夠勤力，而且我係臨急抱佛腳，如果有多少少時間就可以操到有馬甲線。」
講到今晚表演唱歌，彩雲自言已有多年未有上台唱歌，就連卡拉OK也少唱。問到心情會否緊張？她笑言：「我OK，因為都預咗好多甩漏，所以唔擔心。不過我今晚特登着靚啲，唔打得都睇得吖嘛！我會盡唱。」她又指原本打算叫囡囡到現場觀看，但因女兒剛下機有時差，太眼瞓而未能到場。
另外，她表示稍後會跟丈夫和女兒到馬爾代夫旅行慶祝結婚十周年，已訂購了八套比堅尼，又買了航拍機影靚相，所以要爭取時間努力減磅。
問到會否趁機與老公造人？
她坦言：「唔會追，其實之前生完第一個都有開行Turbo，但依家已經熄咗個Engine，囡囡有講過想要細佬妹，但我哋冇反應，佢都放棄咗。我老公都話唔使追多個，其實都係應該生多個，但依家偏向唔想生，我都唔可以賴因為有個女一齊去旅行，三人行所以製造唔到。」
(on.cc)
