Toby於2011年底，忽然閃嫁有米老公黃敏豪，可惜婚姻僅維持一年半，當時Toby以「因未了解結合，因了解而分開」來形容呢段婚姻關係。
及後經朋友介紹下，再認識現任圈外人男友Jon Sze。雖然對方比Toby年紀細，不過兩人性格好夾，感情穩定。
啱啱過咗36歲生日嘅藝人梁靖琪（Toby），喺社交網上載多張浸禮嘅相，宣布佢都正式加入基督教嘅大家庭！
面對呢件人生大事，Toby獲多位親友到場見證兼祝賀，當中就有「七姊妹」成員周家蔚同鍾麗淇，鍾麗淇仲帶埋囡囡出席添，認真夠曬好姊妹！
Toby着上短袖鯊魚衣於海中受洗，禮成後更加即場同爸爸梁家樹同媽咪蕭笑鳴咀嘴慶祝，場所非常溫馨。
爸爸梁家樹
媽咪都替Toby好開心！
至於圈外男友Jon亦有現身，不過二人就冇咁高調淨係頭貼頭合照算喇。
(綜合報道 / on.cc)
