香港電影導演會三十周年晚宴暨年度頒獎典禮昨晚在尖沙嘴舉行，出席者有特首林鄭月娥、會長劉偉強、盧海鵬、吳鎮宇、黃秋生、惠英紅、曾美慧孜、黃德斌、潘燦良、任賢齊、胡定欣、周家怡、Jessica C.與老公安志杰、方中信、麥子樂、姜皓文、薛凱琪、衛蘭、鄧麗欣等等。
吳千語表示今年未有作品推出，所以在導演會頒獎典禮未有提名。近年，千語多數在大陸工作，幸好媽媽是浙江人，所以她能夠適應：「電視劇都係剛起步。（轉型？）依家做藝人行騷、網紅、演戲乜都要做，各方面一齊進行，把握每一個機會。」
談及感情事，她表示不太重要，開心得閒才拍拖。男友施伯雄有沒有詐型？千語說：「現階段係工作重要，另一半會理解，起碼過多幾年先諗另一個階段，（結婚？）係呀！（未傾到呢個話題？）太早喇，女仔都要有自己嘅事業。」
對於舊愛林峯與女友張馨月傳結婚，千語平淡地說：「成日都咁講，（聽到厭？）啲人講嘅嘢，好多嘢都唔係真。」
跟林峯還有聯絡嗎？千語搖搖頭。追問她與林峯是否不再是朋友？她說：「冇嘢嘅，見到咪見。」介意合作嗎？她稱：「唔講喇，有機會先算，冇乜所謂，不過我覺得唔會有呢個機會，唔會咁啱啩，咁多人。」
(綜合報道/apple daily)
