「生煎包王子」蕭潤邦（Oscar）去年迎娶江若琳時承諾無論甚麼情況下都會照顧佢一生一世，真係好感動！
江若琳昨晚在facebook貼出留院臥病床相片，她留言：「呢個3月開始，決意將身心上唔好嘅嘢，唔好嘅能量都全部送走！等我休養一下後，一定能量滿滿，繼續努力生活！#瞓夠就要出關#我有嘅係曼聯精神。」Oscar即留言：「Take care！」
《蘋果》今日聯絡江若琳問候，她短訊回覆：「我冇咩大事呀，只係一啲女人經常會出現嘅小毛病，咁都拖咗好多年，今年想的起心肝處理咗佢，調理好身體，為人生下一步作好準備呀。放心，大家都要身體健康呀！」
到底處理甚麼？江若琳續說：「女人好平常會出現嘅小瘤，冇咩大問題。常見嘅小病小痛啦，唔係咩大手術，瞓返十日八日就冇事啦，我有藉口大覺瞓十日。」
Oscar貼身照顧，出院後是否由老公包辦家務？江若琳答：「我老公有一個好好嘅優點，就係好鍾意做家務，所以係唔係都係佢做，佢有潔癖，日日都要吸塵。」
(apple daily)
