藝人麥美恩（Mayanne）出席生活護理品牌活動，身穿少少低胸連身短裙的她即場炮製沙律。
問她可是多了品牌工作？她表示：「好開心，多謝客戶搵我。（進帳唔少？）穩定，拍節目同做司儀嘅時間穩定，工作易分配，依家可以帶爹哋媽咪去旅行，之前帶咗佢哋去泰國，嚟緊7、8月會帶佢哋去美國。（愈去愈遠喎？）辛苦都值得嘅。」
講到父母日前從加拿大來港幫她慶生，她表示：「媽咪仲喺香港，但爹哋就返咗去，嗰晚食飯都好開心，有切蛋糕，又見到好多朋友。」
講到獲神秘人送花，問到可是緋聞男友許文軒（Edmond）送？
她笑言：「間接都係佢送，其實係駱胤鳴同佢另一半代佢送。（咁Edmond實際送咗咩畀你？）佢送咗去水腫嗰啲碌碌，知我攰同想fit啲。」
她又笑言當晚Edmond都有在場慶生，問到可是首次見家長？她笑言：「唔係，上年生日都一齊。（父母對佢印象點？）覺得佢幾好笑、幾cute。（過關？）冇乜所謂，做朋友。（咁作為男友呢？）佢哋又冇問。（佢哋有冇問你哋緋聞啲嘢？）嗰晚佢哋都攞出嚟講笑。」
問到緋聞可有影響他們找另一半？她笑言：「有影響佢呀，佢係筍盤嚟㗎。（咁你呢？）我都係筍盤，又獨立又靚又識煮嘢食。」
(on.cc)
