無綫藝人李漫芬（Fanny）獲邀上《1+1的派對》節目，期間老公談成坤抱住囡囡喺攝影棚等佢。
製造特別驚喜，安排佢恨咗好耐都未做到嘅嘢，就係影全家福！
Fanny一到場就勁感動，仲忍唔住喊！
完全唔知情嘅Fanny一到場已經不停問點解會咁樣，之後就開心到喊，話：「成日都冇時間影，又驚啲燈閃到BB。」老公咁細心，令到Fanny好感觸，仲自爆其實好自卑…
「我真係冇諗過自己會結婚同生BB，感謝喺最啱嘅時間遇到佢，其實我係好自卑嘅女仔，可能鏡頭前演嘅角色或者做司儀，係催眠咗自己，但現實生活好冇信心，我又唔係靚，又冇身材，又唔後生，同佢拍拖嗰時都唔敢公開，反而老公叫我公開。」
Fanny表示公開戀情之後，老公畀個學生家長問點解會揀呢個女人，仲話對方可以揀個好啲：「我聽到個心好痛，但又真係啱，佢可以揀個好啲，可以唔理我離開我。」
我最記得第一張卡寫畀佢喺寫住『苦盡可以坤來』，所以無論幾多苦我都願意受。」
在旁嘅老公即安慰話：「唔使擔心，有我喺度，兩公婆在心中。」成個拍攝感人又真誠，更睇得出佢老公真係好錫佢！
(綜合報道 / on.cc)
