索爆準媽媽岑麗香（香香）懷孕近八個月，現時專心養胎嘅佢已經鮮有現身公開活動。
反而爭取時間同好朋友相聚，不過呢個星期香香都冇更新社交網，唔通佢要開始閉關？
直到今日，香香終於喺IG Story上載一段短片，片中嘅佢紮起頭髮，狀態好好，完全冇孕婦嘅水腫問題。
佢仲用英文交代近況，原來佢之前有少少唔舒服，不過依家已經好番啦！所以就拍片同大家打招呼，又賣口乖話好掛住大家，最後佢仲展現出甜到漏嘅笑容兼開心舉V，融化一班網民嘅心！
之後，佢又上載一張拎住育嬰指南嘅自拍相，仲留言：「A lifetime of homework.（一生的功課。）」
(on.cc)
