歌手關心妍（Jade）出席唱作男新人Steve Ho的音樂發布會。
講到Steve是支持Jade多年的歌迷，Jade亦知道Steve一直喜歡音樂想做歌手，Jade說：「雖然做歌手係一件好難嘅事，但都好支持佢，所以一早應承咗佢出歌一定會嚟支持，今日我都係喺北京趕返嚟撐場。（有冇咩忠告畀佢？）堅持、堅持同埋堅持，因為依家做音樂好難，希望佢守得住。」
又表示亦會介紹幕後的朋友予其認識，望大家支持新血。
Jade透露近日忙於一個兒歌項目，推動兒童感恩文化，將推出一隻兒歌唱片：「依家有個招募小歌手嘅行動，範圍係6-12歲嘅小朋友，隻碟會有十隻歌，我自己會唱一首，再甄選小朋友唱其他歌。（囡囡咪冇得參與？）佢可以唱4個字，就係首歌嘅歌名。」
提到早前囡囡楊榮心患病，她謂女兒已康復：「之前以為佢中咗流感，因為佢持續發高燒唔退，好彩最終只係普通感冒。我第一次咁驚，又睇咗坊間唔同退燒偏方，試過幫佢沖凍水涼，佢個嘴仔變紫色，最終都係要送院醫治先無事。」
(on.cc)
