藝人楊思琦以歌手身份到新城電台接受薛家燕訪問，繼續為新歌《愛的森林》宣傳，更表示好恨上由對方主持的無綫節目《流行經典50年》，她笑指於訪問後會親自向家燕自薦，又指稍後會前往廣東省宣傳兼商演，包括廣州、江門、杭州、青島。
「都會去好幾日。（帶埋囡囡去？）唔會啦，佢要返學，唔係長假期。（復活節會同囡囡去玩？）未諗到，有其他嘢忙緊，上年拍咗啲電視劇同電影今年要幫手宣傳。」
為新歌馬不停蹄宣傳的思琦，講到於其中一個訪問中重提囡囡生父之謎，問到是否會等囡囡長大後向她全盤托出？
思琦顯得有點尷尬指：「最近做咗好多訪問，都有講番起以前啲感情事，但唔係特登提番，係主持人再重新問，有時我都話唔講㗎啦，係有時問得更深入就隨便講咗幾句，都唔係刻意講。」
追問會等到囡囡幾多歲先講有關生父的事？她繼續迴避笑謂：「好難介定，講第二啲啦！大家唔好太敏感、太介意，向前望！」
(on.cc)
