藝人陳松伶（松松）、黃智賢、徐榮、楊卓娜等下午到紅磡出席無綫新劇《福爾摩師奶》宣傳，向現場觀眾大派禮物，場面熱鬧。
專程返港參與宣傳的松松，聞得劇集口碑不錯，大表興奮：「拍嘅時候唔算辛苦，只係我哋踩咗入地盤，聚集嘅紅火蟻係咁咬我對腳，我睇住起水泡，又試過我對眼敏感到封晒，要去睇醫生求助。（老公心痛？）當時唔敢畀佢睇。」
她透露自己正忙於音樂劇巡迴演出，預算6號離港：「走之前點都會再約劇組食餐飯，之後應該會再飛返嚟宣傳多一轉。（返嚟忙敍舊？）都係，一日三餐都約咗人，食到好飽，不過食乜都唔緊要，都係想見吓啲朋友啫。」她又笑指自己戲癮大，獲邀的話可以隨時埋位。
(on.cc)
