佢表示老公會全力配合及支持，平時亦有幫佢按摩：「試過一齊上堂，要幫我按摩三個鐘，到最後嗰十五分鐘，我先至幫佢按番。」
佢又表示會喺香港生B：「 我貪心，因為香港有陪月，而老公亦喺香港做嘢，咁香港啲醫生都好好。（會否順產？） 會試吓順產，但如果真係唔得，要開刀都冇問題嘅。」
名模樂基兒（Gaile）現時懷有七個多月身孕，她出席護膚品牌活動時以貼身連身裙示人。
期間透露預產期是四月尾、五月頭，心情有少少緊張，但好享受佗BB嘅過程。
談到之前佢喺社交網表示有妊娠糖尿，問到是否因為食太多甜嘢所致？佢否認：「因為我家族有遺傳高膽固醇，所以依家飲食要好小心，我知道自己嘅身體唔可以食甜嘢，初初都有少少擔心，但係依家冇嘢，BB都好健康。（因為妊娠糖尿而減肥？）我轉咗餐單，之後瘦咗六磅，但只係減自己嘅磅，BB冇瘦到。」
問到係咪屬於重磅BB，佢就話：「唔係，佢依家三磅，唔係重，但佢係屬於高嘅BB，可能佢喺我肚入面都有做瑜伽。我依家都有做啲孕婦瑜伽，比較輕鬆啲嘅。」
另外，同場還有「城嫂」方媛現身，見她肚凸凸，惟她未有受訪。
(on.cc)
