「大小姐」林淑敏下午到金鐘出席代言活動，席間播出由她主演的微電影，內容與曾患乳癌的她自身經歷相似。
問到是否勾起很多回憶？她坦言：「有㗎！只係現實生活中老公當年求婚唔係靠煮飯，而係日日叫我嫁畀佢。我2011年康復，2013年結婚，係求婚嗰一part冇咁浪漫，當年我哋好簡單，淨係打去教堂問有冇場，教堂話有但提醒我朝早有白事，問我介唔介意，我話冇所謂。」
提到二月是結婚周年，林淑敏表示當天與老公各自上班，未有特別慶祝：，問結婚10周年會否留個紀念給自己？她笑答：「應該都唔會喇，喺我心目中細水長流最緊要，一起到老最浪漫。」她坦言自患病後明白即使生老病死也不是必然：「未必個個人都可以見白頭，所以要珍惜每一天。」
回想起康復之初，她花了兩、三年時間去融入病友團體：「癌症其實唔係可怕嘅事，一樣可以有得醫，所以如果人哋嚟問我，我一定會講同分享。喺患病期間，我都做咗好多資料蒐集，發覺太多傳聞，到最後可能飲杯水都係錯。（依家仲有去探訪？）少咗好多，因為冇乜時間。公司其實對我好好，返工同收工都見到太陽，作息穩定，我最想係咁，都祈咗好多禱，終於夢想成真。」
(綜合報道/on.cc)
