歌手陳柏宇（Jason）同太太符曉薇（Leanne）嘅愛情結晶品可愛囡囡Abigail於去年9月出世，Jason即化身成曬女狂魔，日曬夜曬，錫到囡囡燶！
喺囡囡一個月大嘅時候就帶咗佢去影證件相，因準備新年時去加拿大探親。
但係BB大得非常快，幾乎日日都會唔同樣！
呢日Leanne就喺IG上載咗張相，見到Abigail四個月前影嘅證件相睡眼惺忪嬲爆爆咁樣，但到日前再影相時已有好大分別。
對眼大咗好多五官仲出晒嚟，頭髮亦長咗好多，同之前相比唔太同樣。難怪Leanne大呻：「你下次過關點算？」認真笑爆嘴！
而晚上戀囡狂Jason又與囡囡玩直播，囡囡不停咿咿呀呀，期間他又忍不住咬囡囡手指，十分搞笑！
（on.cc）
