賭王千金何超蓮今天於中環出席化妝品牌活動，以全黑低胸性感打扮現身的她，自言是型格女人味，尤其喜歡所穿的黑絲。
提到家姐超雲昨天30歲生日，超蓮說：「係呀，好好笑，佢唔知喺邊度聽返嚟，話想要一隻紅雞蛋，不過媽咪唔識整，所以就咁烚咗一隻蛋畀佢。佢正常收到好多花，屋企成個花海咁。」
超蓮指不清楚花束是否超雲的追求者所送：「咁靚女，追求者眾多，應該有嘅。」
她又指兩姊妹少有傾私人感情事，超蓮還大讚家姐主動在互聯網上寫上真實年齡，勇氣可嘉：「佢好有勇氣，喺ig寫30歲生日，畀我就寫少10年，19年開始有個10 years challenge，我post咗9歲時嘅相，好唔要面，我會周圍同人講19歲，睇吓大家信唔信。」
至於問到超雲的生日願望，超蓮透露說：「佢都係做嘢，同我一樣，大家都唔係向結婚方向行，佢比較低調，好深閨。佢文靜，我活潑，佢似媽咪，我似daddy。」超蓮又指超雲唔憂嫁：「緣份遇到就會遇到，佢唔憂趕住嫁，望落去得20歲頭，冇話29＋1就要結婚，呢個年代都遲婚。」
(apple daily)
