【真係好頭痕】周汶錡：生個女仔都好呀

劉嘉玲與周汶錡（Kathy）於鰂魚涌出席珠寶品牌活動，嘉玲姐一身透視上衣黑bra配黑絲現身，支持好友陳瑞麟與陳幼堅合作設計的品牌影片揭幕。

Kathy自言十分忙碌，大仔剛放完悠長假期，她要費盡心思為兩子設計遊戲，Kathy說：「因為之前流感加上新年，大仔放咗3、4個禮拜假，要幫佢諗節目，真係好頭痕，設計咗好多遊戲畀佢哋，而細佬亦都跟得好快，無論講嘢、行為都比阿哥同齡嘅時候快，好有表演慾，而家成日古靈精怪。兩個都好黐我，左右髀一邊一個，好呷醋。」

問到兩兄弟會否打架？Kathy說：「會㗎，細佬更加唔蝕底，但係自己都要分配好時間，慢慢學，不過好搞笑。」

而農曆新年Kathy亦有與妹妹周勵淇及妹夫團年，但卻十分倉卒。問到妹妹新婚與妹夫相處如何？Kathy說：「ok㗎，嫁咗咪好，快啲生啦！梗係要生，同我個仔玩，佢年紀都唔細，生個女仔都好呀，好開心。」

Kathy笑言站出來優雅，其實忙得頭暈，故暫未考慮再生。